Archive for the ‘مكياجي’ Category

• مينكس “فنغر برنتس” من مكياجي

  Date: 2012.01.13 | Category: Mikyajy, مكياجي | Response: 3

   

   

  

  اهلا بالجميع

  اليوم الموضوع حيكون عن مجموعة مناكير مينكس “فنغر برنتس” من مكياجي

  منكس هو خط منتجات من مكياجي.. و من ضمن المنتجات دي عاملين مناكير بالوان متعددة لكن حأعرضلكم اليوم خمسة الوان منها فقط

  بداية، تتميز هيئة المناكير بانها تقيلة و لازم تحركي القارورة بين يدينك بطريقة مختلفة، بس لا ترجيها، لو رجيتيها حيتكون مجموعة فقاقيع هواء حتظهر على ظفرك بعد ما ينشف اللون

  الفرشة حجمها معقول، ارجع و اقول ماهي زي حقت او بي اي و لكنها تعتبر كويسة

  سعة القارورة ١٠ مل

  ـــــــــــــــ

  اول لون معانا

  هو اللون البرتقالي

  True Orange

  لونه برتقالي غني جدا، اوقات تحسيه علي احمر لكن ده بيسير باختلاف الاضاءة فقط، لون جميل جدا

  

  اللون التاني

  Bare pink

  من الالوان الرايقة مرة، اكيد لاحظتوا انه ممكن يستخدم في الفرنش مناكير…في دي الصورة حطيت طبقتين فقط

  

  و هنا حطيت تلاته طبقات، مافي فرق كبير زي منتو ملاحظين. انا حبيت اللون بطبقتين اكتر..انتوا ايش رأيكم؟؟

  

  اللون التالت اللي معانا اليوم هو

  Frenzy Pink

  لون مشرق و حيوي، درجته رائعة، ينفع مع فستان اخضر جنزاري

  

  اللون اللي بعده

  Purple Affair

  هو لون محير شوية، بين العودي و البنفسجي الغامق او (البتنجاني) زي ما يقولوا…لون رائع جدا للسهرات

  

  آخر لون معانا اليوم هو…

  Blooming Pink

  هو لون قريب جدا من اللون التاني و اللي هو

  Bare pink

  بس الفرق هذا لونه اتقل و رايح علي اللون اللحمي اكتر…جميل جدا..حبيته اكتر من التاني، في هذه الصورة حطيت طبقتين، و طبعا ينفع مع الفرنش مناكير برضو

  

  و هنا تلاتة طبقات، زي منتو ملاحظين اللون غطى على كامل الظفر…رائع

  

  سعر هذا المناكير 29 ريال سعودي

  طبعا ما يحتاج اذكر فروع محلات مكياجي في السعودية او في جدة بالتحديد!

  اتمنى عجبتكم الالوان

  موقع مكياجي

• كيف تقصي اظافرك بشكل مربع؟

  Date: 2011.01.18 | Category: Claire's, OPI, TC of ur nails, محلات نزيه, مكياجي | Response: 34

  الموضوع ده كان على لستة الانتظار بس بما انه بعض البنات طلبوه..فا كتبته الاول..نشوف الفيديو و بعدين نقول شوية نصايح

  

  توبة اني اسوي فيديو و اشرح فيه بصوتي و انا ماني محضرة سيناريو..ههههه

  معليه..بس اذا عدته كنتوا حتنتظروا كمان شهر…يللا يا رب تكونوا استفدتوا..هذا اهم شي

  نجي للبعض الملاحظات

  بالنسبة للقصافة..اذا قصيتي ظفرك بيها بشكل مستقيم حيسهللك المهمة اكتر من ما يكون معوج او حاجة

  buffingال

  لا تزودي كتير علي الظفر عشان لا تسير طبقة الظفر نفسها نحيفة و الابيض اللي في نهاية ظفرك يسير شفاف و مصفر

  .انصح انك ما تسوي البفنج ده اللا كل ٤ شهور مرة..او لما تسويه يكون علي خفيف مرة

  عشان تكتمل العملية عندك مقوي من

  O.P.I

  Nail Envy

  nail strengthener

  هو يعتبر طلاء اظافر

  تحطيه كعلاج لساعات او ايام اذا كان ينفع

  كمان ممكن يكون كطبقة شفافة قبل و بعد المناكير… ملمسه جيد، ينشف في ثواني و يعمل لمعه جيدة

  هنا تأثيرة على اظافري بعد التنظيف

  

  و هنا بوز تاني..ههههه

  

  نتايج هذا المقوي ما حتبان الا بعد الاستخدام المنتظم و لمدة بين شهر الى شهرين

  تصبحوا على خير