• مناكير كليرز

    Date: 2010.06.23 | Category: Claire's | Tags: ,,,

    لاحظت كتير بنات يبغوا يشوفوا الوان مختلفة من مناكير كليرز

    اليوم معايا درجتين من اللون الاخضر..ان شا الله تعجبكم

    اللون الاول

    درجة الاخضر الفاتحة ..رقمها ٣٦ حتلاقوها بارزة اسفل القارورة

    لونه حلو.. و لكن مو هادي الدرجة المفضلة عندي..كان سلس جدا وقت ما حطيته بس مشكلته في نوع المناكير ..لانه نوعه يلمع بالاضافة لوجود لمعة او قليترز على درجة ذهبي خفيفة فلازم تظبطي اتجاهك بالفرشة..عشان حيبان اذا رسمتي بالمايل بالفرشة ..مرة حيكون واضح  و بصراحة ما حيكون مرتب

    القارورة صغيرة بس مو بصغر مناكير سيفورا..سعة هذا المناكير ٧ مل

    اللون التاني

    اخضر غامق او بعض البنات يسموه عشبي..رقمه ٤٤

    نفس نوعية اللون الاول…بس اللمعة مو باينة فيه مره زي الاول

    زي مانتو ملاحظين الاظافر اقصر من الصور اللي فاتت و ده بسبب لصقة مناكير سيفورا اللي خلتني بالغلط قصيت اظافري..هههه…بس ان شا الله اللون يكون باين على مساحة معقولة و تكون كافية انكم تقدروا تتحدوا ازا اللون جيد او لا

    اللون كان عليه تخفيص وصل ل ٣ ريال…ان شا الله تلاقوه لين دحين

    ان شا الله يكون التقييم و الصور افادتكم