مناكير الصيف…بطيخ

من خلال متابعتي لمجموعة كبيرة من المدونات اللي بتتكلم عن المناكير و فن الرسم ع الاظافر..استوقفتني فكرة  رسمة البطيخ و شفتها في كذا مدونة..لدرجة اني ماني عارفة مين اللي بدأ هذه الفكرة

اليوم حبيت اجرب انا كمان فن رسم البطيخ على الاظافر

و هذه هي الالوان  اللي استخدمتها

مناكير O.P.I

Lunch At The Delhi

مناكير ريتشل  Rachael رقم ١٨

و هذا اللون كان متعب جدا في التصوير..لانه كان ظاهر انه لونه ازرق.. و هو لونه ع الطبيعه اخضر

و لاول مرة على مدونتي اكتب عن احد منتجات كوناد

Nail ArtPen 2way

و هذا المناكير ميزته انه له طريقتين تحطي بيهم اللون..لانه هو قلم  و كمان ممكن يسير فرشة نحيفة جدا

طريقة تنفيذ هذه الرسمة مرة سهلة

اول شي..زي دايما نحط طبقة شفافة تحمي الظفر من اللون اذا كان يبقع بس للمعلومية لون

ما يبقع O.P.I

تحطي طبقتين من لون O.P.I

Lunch At The Delhi

بعد ما ينشف..ابدأي حطي اللون الاخضر من ريتشل Rachael علي طرف الظفر بشكل افقي زي ماهو ظاهر في الصورة…اذا جا لون علي جلدك المحيط بالظفر..مو مشكله سيبيه و كملي الرسم… بعدين تقدري تشيليه بالاسيتون..حذكر الطريقة تحت

نجي دحين لقلم كوناد

طبعا بقيت بذور البطيخ

انا عشان مدى ظفري قصير..فا ما كان عندي خيار غير اني ارسم شبه خط صغير يمثل البذور..لكن اذا المدى تبع ظفرك طويل..فا ممكن انك ترسمي البذر بشكله الطبيعي

ملاحظاتي علي قلم كوناد

اخد وقت طويل جدا عبال ما نشف

انتظرت عليه لمده تلت ساعه تقريبا و بعدها حطيت الطبقة الشفافة اللي تحمي اللون

لاحظت حاجة هنا:

حطي طبقة وحدة فقط من اللون الشفاف..يعني لا تمشي بالفرشة مرتين ع الرسمه..لانه البذور كلها حتداخل مع اللون اللي من اول حطيتيه

امشي بس مرة وحدة باللون الشفاف ع الرسمة

و هذه هي النتيجة

كيف تشيلي الاطراف اللي جا عليها مناكير؟

هنا القطن الكور و الاقراص ما حتفيد ابدا

اللي حيفيد هو قطن الاذن..عبيه تمام بالاسيتون و امسحي المناطق اللي جا عليها اللون بحذر شديد عشان لا تخربي الرسمه.

__________________________

و تعقيبا علي موضوعي عن الطريقة الافضل عشان تشيلي المناكير

فهذه هي نتيجة الخطوات اللي ذكرت في موضوعي

مسحت رسمة البطيخ من خمسة اظافر بقطنة وحدة

يا ريت تجربوا الرسمة بنفسكم و تقولولي كيف كانت

ـــــــــــــــــ

لون O.P.I متواجد في محلات نزيه: فرع حراء- و عند دوار الفلك

لون Rachael  تلاقوا معلومات عنه هنا

الوان و مجموعات كوناد متواجدة في كشك في رد سي مول الدور الاول

9 thoughts on “مناكير الصيف…بطيخ

  1. روووووعة :razz:
    بنت عمتي عملت زيييييك
    بس كيف اقدر اوريكي الصور
    ينفع عالفيس بوك واعملك تاق ؟؟

    • اوووه..ممتاز

      مرة متحمسة اشوف الصورة…طيب حرسللك حسابي في الفيس علي ايميلك :grin:

      القلم موجود في رد سي مول ..الدور اللي فيه المطاعم في كشك
      (KONAD)
      قدام مطعم ستيك هاوس بالظبط

  2. يااااااااي خطيره ماشاءاله
    مره حلوووووه الطريقه
    وش هل الحركات بسوي بأذن الله وان شاءالله تطلع مرتبه مشكوره كثير ياقمر
    متابعه لك كثيرررر :oops:

  3. وااو ماشاء الله تجنن
    راح اجربهة
    بسس المشكلة ما عندي القلم وانة عايشة بالسويد وما اعرف ويين موجود !!
    بس راح ابذل جهد على ما القاه
    اداء رائع حياتي