مناكير Royal EFFEM

اهلا بالجميع…

معايا اليوم مناكير رويال ايفيم بلونين جيدين جدا

نبدأ باول اللون..الاحمر….بالرغم من اني ما احب هذه الدرجة من الاحمر…لاني افضل درجة اغمق…لكن لونه كان رائع خاصة اني غيرت شكل اظافري من دائري الى مربع فا حسيت انه مع الشكل المربع سار المناكير شكله افضل من اول

رقمه

005

بالنسبة للطبقة الشفافة قبل و بعد اللون فاستخدمت هذه المرة مناكير شفاف من سينسي

Sensi

بس صراحة..حسيت انه ياخد وقت عبال ما ينشف..او انه ينشف لكنه ما يحافظ ع اللون و كنت حاسة باظافري كانها بتلصق في بعض..احساس مختلف تماما عن اللون الشفاف ل

O.P.I

شئ تاني مرة ضايقني..انه يبقع الظفر حتى لو حطيتي طبقة قبل اللون

بس الشي اللي ممكن يخليني ارجع استخدمه هو لونه..جيد مرة

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اللون التاني اللي معايا اليوم…لون يعتبر قريب من اللحمي شوية…رائع جدا ع الاظافر و لون مختلف عن الالوان الافتراضية اللي اتعلقت في اذهاننا بالنسبة للمناكير

رقمه

100

طبعا بما انه لون فاتح فا ما يبقع الاظافر

صراحة ما تعبني في اي شي زي اللون الاحمر…غير وقت التصوير

الوان رويال ايفيم متواجدة في محل روج

Rouge

فرع حراء بوابة ٤

تقدروا تشتروهم من هذا الموقع

سؤالي هو

اذا في مناكير لونه عاجبك بس يبقع..هل ممكن تستخدميه؟؟

ايش رايكم في اللون التاني….هل ممكن تحطوه في مناسبة واللا زيارات لصحباتكم..واللا تفضلوا تستخدموا الالوان اللي اتعرف المناكير بيها..زي الاحمر والفوشي؟؟

5 thoughts on “مناكير Royal EFFEM

  1. واو روووعه
    بس احس اللون التاني مره عادي وممكن في الناسبات مايبان :)
    طيب انا عندي سؤال
    كيف اسوي اظافيري مربعة
    وكمان نفسي اتعلم الفرنش مزبووووط مزبوط وايش اسهل الطرق له ؟؟

    ووووو شكرا لكي

    • اللون التاني ينفع للصباح اكتر بس كمان لسهرة مكن يمشي مع اللون الاسود او اللون الذهبي بس يبغالو تضيفيلو لمعه..عشان يبان اكتر

      بالنسبة للاظافر المربعة و الفرنش مناكير…ان شا الله مواضيع جايه في الطريق.. و باذن الله ححاول اكتب عنهم في اقرب فرصة ممكنة

      شكرا ليكي انتي ماريا :grin:

  2. السلام عليكم … حبيت الموضوع وأإأإأيد مفيد تسلمين ع الطرح :grin: بس انا كان ودي اسألش كيف اطول اظافري لانها ما تطول ابد مسببتلي احرإأإأإأإج قوي :sad: :oops:

  3. استعملت اشياء وأإأإأإأإيد بس ماكو فايده تقدرون تفيدوني :?: :?:
    شلون اعرف انوا رديتوا علي :?: :?: :?: بس انا